Шосты Беларускі касмічны кангрэс адбудзецца ў Мінску ў Аб’яднаным інстытуце праблем інфарматыкі Нацыянальнай акадэміі навук Беларусі з 28 па 30 кастрычніка 2014 года.

У межах кангрэса плануецца правядзенне выставы-прэзентацыі вынікаў выканання навукова-тэхнічных праграм і праектаў па касмічнай тэматыцы.

АРГАНІЗАТАРЫ

• Нацыянальная акадэмія навук Беларусі
• Аб’яднаны інстытут праблем інфарматыкі Нацыянальнай акадэміі навук Беларусі

МЭТЫ КАНГРЭСА

• Абмеркаванне новых дасягненняў у касмічнай галіне, вызначэнне прыярытэтных накірункаў развіцця касмічнай тэматыкі;
• Умацаванне міжнароднага супрацоўніцтва ў галіне касмічных доследаў;
• Пашырэнне сумесных высілкаў беларускіх і замежных дзелавых колаў, фірм, кампаній, навукоўцаў і адмыслоўцаў, накіраваных на выкананне касмічных праграм, аналіз стану іх ажыццяўлення і выбар перспектыўных накірункаў далейшых доследаў;
• Развіццё партнёрства ўрадавых і грамадскіх устаноў, прадпрыемстваў і арганізацый розных форм уласнасці, зацікаўленых у доследах і выкарыстанні касмічнай прасторы ў мірных мэтах.

ТЭМАТЫКА КАНГРЭСА

• Перспектыўныя матэрыялы, элементная база і тэхналогіі іх вытворчасці для касмічнай тэхнікі;
• Касмічныя праекты і праграмы;
• Спадарожнікі, мэтавая і навуковая апаратура;
• Сродкі і метады апрацоўкі і адлюстравання даных дыстанцыйнага зандавання Зямлі;
• Тэхналогіі навучання і падрыхтоўкі кадраў для касмічнай галіны;
• Праблемы і сродкі забеспячэння надзейнасці, працаздольнасці і жывучасці касмічных сістэм і апаратаў;
• Выкарыстанне вынікаў касмічнай дзейнасці ў інтарэсах разнастайных галін эканомікі;